載於am730 09/10/2007
今日在街邊買煎釀三寶，身旁嘴角泛油的阿叔跟朋友說﹕「港交所啲錢唔係我地啲人賺架，一手幾萬銀呀。」
最近買了港交所的同事在公司祝捷，我也只得酸溜溜的份兒﹕「我夠知佢一定升啦，隻隻股都來香港上市，想跌都難。當佢80幾蚊時已想買，不過太貴，沒錢買。」
朋友反舌﹕「咁有信心你又唔去借錢買？所以我地係要承受風險的。」
腦袋裏即時浮出新聞畫面，股市又創新高，證券行笑逐顏開的伯伯向記者說﹕「開心呀，今日賺咗9千幾，好多人做一個月都冇咁多。」總覺得，記者剪這段片出來是有深意的。
如果我在五月尾、六月初時以89元入隻388，就以兩手1000股計，三個多月後升上220元，即是說我什麼也不用做，賺來的錢比我一年的人工還要多。光想想都興奮，再想想卻覺得心寒。
不是憎人富貴。在資本世界裏，擁有一百元的人，總比只擁有一元資本的人賺得多。我只是不明白，為何坐擁百元的人，付出知識及所謂承擔風險，可賺上千元，利潤是以倍數計；但口袋只剩一元的，把勞力汗水和健康都賠上，卻只賺到幾毫子。直覺告訴我，這實在有點不對勁。多謝四叔指點放水，政府托市，不過這點好處我還沒資格沾上半分，更遑論低下層的份兒。如果回報反映生產力，請問為我們在空氣污染指數達140的日子裏，在街道上勤勤懇懇地建樓的工人、打掃街道和厠所的清潔工，他們拿到的回報反映到實幹的生產力嗎？
我不懂什麼是堅尼系數，也不懂經濟學，但好像突然明白貧富懸殊是怎樣來的了。
在錢搵錢的世界裏，還跟窮人說多勞多得，顯得很虛偽。
朋友又說﹕「諸多道理﹗有錢你唔買埋一份？」我又一下子語塞了。
