都幾押韻，但聽罷實在令人嘩然。繼曾特首的忽然民革，有曾德成話陳方安生忽然民生。初聽以為係曾德成局長同陳方安生議員講笑，睇番電視先知阿曾局長好嚴厲。講社會企業啫，唔洗咁惡下話？
今日所有政治記者變身狗仔隊，陳太去到邊跟到邊，在立法會兩邊走，只望尊貴的立法會新議員可以講兩句。
「陳太從議事廳出來啦﹗」
「佢去咗另一邊呀﹗」眾人蜂湧去議事廳另一邊走廊。
「唔係呀，佢入咗休息室呀﹗」
一男記者叫﹕「嘩， 陳太去厠所呀﹗」
一女記者叫﹕「好，我同你拿部機入去影﹗」(最後兩句係大家自我挖苦而說的)
___
最想問陳太的，其實是﹕「你今天是否切實感受到啲官講野好廢好悶？ 」希望你未來的講辭可以精彩和實際一點。
